දල්වමු .....මිණිපහන්.....සඳ තරු සැටදහස..........
විප්ලවය සිහිනයක්ම නොවීම උදෙසා...........සටන් වදිමු නව විප්ලවවාදි බලවේගයක්......කරා........මව් බිම රතු කොඩියක සෙවන ලබා දෙන්නට.......එක පවුලක දරුවන්සෙ......
Thursday, April 5, 2012
Monday, March 19, 2012
ජිනීවා නාඩගම මොකක් උනත් කමක් නෑ
 |
| මාගේ පුතා මට කතා කරලා කිව්වා චැනල් 4 වීඩියෝව බැලුවට පස්‌සේ එයා ලැජ්ජා වෙනවා කියලා ශ්‍රීලාංකිකයෙකු වීම පිලිබදවත් සිංහලයෙකු පිලිබදවත් කියලා'' මේවැනි කතාවක්‌ කිරීමට තරම් චන්ද්‍රිකා බන්ඩාරනායක දුශ්ඨ වුවාය.තම දේශපාලන වාසී තකා කල මෙම ප්‍රකාශය පිලිබදව ඇය ජනපති පුටුවේ තැබීමට කටයුතු කල අප ඇතුලු සියලු ශ්‍රීලාංකික සිංහලයෝ ලැජ්ජා විය යුතුය. -ලැජ්ජයි මැඩම් විලි ලැජ්ජයි- |
Saturday, March 17, 2012
විල්මා ලුසිලා එස්පීන් සහොදරිය (කියුබානු විප්ලවේ අමතක නොවන විරුවො 2)
 |
| විල්මා ලුසිලා එස්පින් සහොදරිය කියුබානු විප්ලවෙ පෑවතෙන සමයෙ සෑන්ටා ක්ලාරා සටනෙදි ගත් ඡ‍යාරුපයකි |
 |
විල්මා ලුසිලා එස්පීන් සහොදරිය කියුබාවේ යකඩ කෙල්ල...ජූලි 26 ව්‍යාපාරයේ තාරකාවිය සහ මඟ පෙන්වන්නිය.. |
Friday, March 16, 2012
දැනගියත් නොදැනගියත් අතරමග
 |
| මෑදපෙරදිග අමනයින් විසින් ලාංකික කතකට යකඩ ඈණ ඈතුල් කර තිබු අයුරු....... මෙහෙම තිරිසන් වෑඩකරන මුන්ට හෙන නොගහන්නෙ ඈයි?? දේවියනෙ..... |
වසර ගණනාවක්‌ මෙරට ධනවත් වංශාධිපතියන්ගේ පවුල්වල හැඳි - වළං සේදූ කතුන් රන් කහවණු ඉපයීමේ සිහිනය සාක්‍ෂාත් කරගැනීම සඳහා මෙරට යමක් කමක් කළ හැකි වංශක්‌කාරයන්ගේ, මුදලි මුහන්දිරම්වරුන්ගේ, වලව්කාරයන්ගේ ග්‍රහණයෙන් මිදී සුරංගනා ලෝකයකට පිවිසෙන ආකාරයෙන් මැද පෙරදිග රටවල් කරා ඉගිලී ගියේ ඉපිලී යන සොම්නසිනි.
අඩු අධ්‍යාපන සුදුසුකම් සහිත ධන කුවේරයන්ගේ නිවෙස්‌වල දාසකම් කළ තරුණ කතුන් ලක්‌ෂ ගණනින් වෙළෙඳ කලාපයේ සේවයට එක්‌වූවා සේ මැද පෙරදිග රටවලටද ලක්‌ෂ ගණනින් ඇදී යන්නට පටන් ගැනීම මෙරට විදේශ විනිමය උල්පත ශ්‍රී ලාංකික කත යෑයි විරුදාවලියක්‌ද වූවාය.
එදා අරාබි ධන කුවේරයන්ගේ නිවෙස්‌වල ගෘහ සේවිකාවන් ලෙස ශ්‍රී ලාංකික කතුන් විදේශගත වන විට අද සිටින පාලකයන් ලාංකික කත ධර්ම රාජ්‍ය සංකල්පය යටතේ අරාබිකාරයන්ගේ ලිංගික අවශ්‍යතාවන් සඳහා අලෙවි කරනවා යෑයි මොරදුන් අයම අද විදේශීය විනිමය උපයන කාන්තාවන් ශ්‍රී ලාංකික වීරවරියන් යෑයි නිර්වචනය කිරීමට පෙළඹීම ලැඡ්ජාවට කාරණය්ක.ී
තම පවුල් සංස්‌ථාව ආර්ථික දරිද්‍රතාවයෙන් ගොඩ ගැනීමට මව ඇතැම් විට දිවා රැය නොබලා වගුරුවන දහදිය රන් කහවණුවලට පරිවර්තනය වී අප රටට ලැබෙන විට එවන් මව්වරුන්ගේ තරුණ දියණියන්ගේ නොඉඳුල් බව තම ජාතක පියා ගෙන්ම විනාශ වී ගිය පුවත් අපි අසා ඇත්තෙමු.
නිදහස් වෙළද කලාපය මෙන්ම දැඩි සුරා කෑමට ලක්වන ලාංකීය කාන්තාව මැද පෙරදිගට අලෙවි කිරීමෙන්ද සිදුවන්නේ එවැනිම සිදුවීමකි. කිසිදු ක්‍රමවත් වැඩ පිළිවෙලක් නොමැතිව වීදේශ ගතවන අපේ කාන්තාවන්ට සිදුවන කායික වද බන්දන මෙන්ම ලිංගික අතවර ඉවසා දරා සිටින්නේ දුප්පත් අසරණකම මිස, නිවට කම නිසා නොවේ. නමුත් මෙවැනි දහදිය මුගුරු හෙලමින් රටේ විනිමය සුරකින අපේ කාන්තාවන්ට පාලකයන්ගේ දෑස යොමු වූ අවස්ථා කෙදිනකවත් දැක නැත. නමුත් රැකියා ඒජන්සි කරුවන් වෙනුවෙන් පාලකයන් නිරතුරුවම අත් වැල බැද ගන්නේ කොමිස් කුට්ටි හා දොළ පිදේනි වල රසටය.
Monday, March 12, 2012
ජුවන් අල්මෙදා සහොදරයා (කියුබානු විප්ලවේ අමතක නොවන විරුවො)
 |
| ජුවන් අල්මෙදා සහොදරයා |
කියුබානු ඓතිහාසික විප්ලවයේ අණදෙන්නා වසයෙන් විරුදාවලිය ලත් අප්‍රිකානු සම්බවයක් ඇති ජුවන් අල්මේදා උපත ලද්දේ හවානා නගරයේ ඉතා දුගී පැල්පතකය. දුෂ්කර මාවතක සිය අද්‍යාපනය හැදෑරු තරුණ අල්මේදා නීතිය හැදෑරීමට 1952 දී හවානා සරසවියට ඇතුල් වුනා. ඔහු ගේ ජීවිතයේ තීරණාත්මක හමු වීමක් එහිදී සිදු උනා. එම සරසවියෙම යුගයක් වෙනස් කල අසහාය විප්ලවීය නායක පිදෙල් කස්ත්‍රෝ සහෝදරයාද අද්‍යාපනය ලැබුවා. ...1953 දී පිදෙල් හා රාහුල් කස්ත්‍රෝ සමග කියුබානු විප්ලවයට මුල් පුරමින් මොන්කාඩා ප්‍රහාරයට සම්බන්ද වෙනවා. එහිදී පවත්වන ලද නඩු විබගයෙන් පසු පිදෙල් සහෝදරයා සමග ජුවාන් අල්මේදා ද පයින් දුපතේ සිර කර තබනු ලැබුවා. පසුව 1955 දී නිදහස ලබා ඔහු මෙක්සිකෝවට බැටිස්ටා පාලනය විසින් පිටුවහල් කරනු ලැබුවා.
නැවත ඔහු කියුබාවට පැමිණෙන්නේ තවත් සගයන් 78 දෙනෙකු සමග ග්‍රන්මා යාත්‍රාවෙන් තීරණාත්මක අරගලයට. ඉතා දුස්කරවූ ගමනක අවසානයේ කියුබාවට ලගවනවිට ඉතිරි වුයේ 12 දෙනෙකු පනී. එම 12 දෙනාට ජුවන් අල්මෙදාද අයත් උනා." කිසිවෙකු කිසිවිටක අත් නොහරිමු " යන ඓතිහාසික සටන් පාඨය ප්‍රකාස කලේ අල්මේදා විසිනි. කියුබානු විප්ලවය පුරාම ඒ වදන් පෙළ රණකාමී හදවත් තුල රැව් පිළිරැව් දුන්නේය.සියෙරා මහේත්රා කඳුකරය පුරාම ජුවාන් අල්මෙදගේ සටන්කාමී තේජස බටිස්ටගේ හමුදාවන්ට කණකොක හැඩලුවා. සටනේදී ඔහු සන්තියාගෝ කලාපයේ විප්ලවීය අණ දෙන්නා විය.
කියුබානු විප්ලවය සාර්ථක වීමෙන් පසු විප්ලවීය හමුදාවේ ඉතා ඉහල තනතුරකට පත් වුනා.1961 දී ප්‍රතිවිප්ලව ප්‍රහාරයන්ට අමතක නොවන පාඩමක් ඉගැන්වූ ජුවාන් කියුබානු විප්ලවීය හමුදාවේ රණකාමිත්වය හා තේජස ලොවට පෙන් වුවා. සටනට පමණක් සිය දක්ෂතාවය සීමා නොකළ ජුවන් දේසපාලන කරලියේද සුවිශේෂී ස්ථානයක් හෙබවූවා.කොමියුනිස්ට් පක්ෂයේ මද්යම කාරක සභාවද ඉන්පසු දේසපාලන මණ්ඩලයද නියෝජනය කළා. පිදෙල් සහෝදරයා විසින් " කියුබානු ජනරජයේ වීරයා " යන සම්මානය ජුවන් අල්මේදා හට ප්‍රදානය කළා. කියුබානු විප්ලවයේ පරිනත සටන්කාමී නායකයෙක් වූ අල්මේදා සහෝදරයා හර්දයභාදයකින් 2009 සැප්තැම්බර් 11 දින කියුබාවෙන් සදහටම සමුගත්තා.එදින කියුබානු දජය අඩකුබුකොට ජාතික ශෝක දිනයක් ප්‍රකාශයට පත් කළා.කියුබානු ජනය ආඩම්බරයෙන් හා දෙනෙත් පිරි කඳුලින් වීර ජුවන් අල්මෙදගේ දේහයට අවසන් බුහුමන් දැක වුවා.ඔහුගේ සටන් බිම් වූ සන්තියාගෝ නගරයේදී ඔහු ආදාහනය කළා
Monday, February 27, 2012
ඔන්න බබෝ බිල්ලා
දරුවෝ පුංචි කාලේ අඩන විටත්, කරදර කරන විටත් , කෑම නොකන විටත් ඔව්න් අස්වැසීමට දෙමව්පියන්ට හොද කාරණයක් තිබුණේය. ඒ සෑම විටම දෙමව්පියන් දරුවන්ට කිව්වේ ඔන්න බබෝ බිල්ලා කියලාය.බිල්ලා කියපු ගමන් දරුවෝ ඇඩීම නවත්තන්නේය, කරදර නොකරන්නේය , යස අපූරුවට කෑමත් කන්නේය. ඒත් දරුවෝ කිසිම දවසක බිල්ලන්ද දැක නැත.කිසි දිනෙක නොදැක්ක බිල්ලෙකු ගැන කියා දෙමව්පියෝ රිසිසේ දරුවන්ව නලවා ගත්තේය.
ලාංකීය දේශපාලන පිටියටද බිල්ලා යනු හොද මෙවලමකි . මාරුවෙන් මාරුවට බලයට පත්වෙන හැම ආණ්ඩුවක්ම ලංකාවේ ජනයාට කලින් කලට බිල්ලන් පෙන්නා ඇත්තේය. ලංකාවේ ජනයාද බිල්ලාට බයේ නිහඩ වෙන ලමයින් වගේම නිහඩ වෙති .වර්ථමාන ආණ්ඩුවද , ජාතියේ ආඩම්බරකාර තාත්තාද මේ වන විට බිල්ලා තියරිය රිසිසේ පාවිච්චි කරමින් සිටී. ලංකාවේ ළදරු ජනයාද ජාතියේ ආඩම්බරකාර තාත්තා පෙන්නන බිල්ලන්ට බයේ මුළු ගැන්වෙන්නේය.ඉතින් පාලකයන්ට බිල්ලා තියරිය මරුය , මසුරන්ය.
දැන් ආඩම්බරකාර තාත්තයි එයාගේ ආණ්ඩුවේ මන්ත්‍රී මල්ලිලායි ඒ කියන්නේ මන්ත්‍රී බාප්පලායි ජනතාවට එක එක බිල්ලෝ පෙන්වති. ආඩම්බරකාර තාත්තා චැනල් ෆෝ සහ යුධ අධිකරන බිල්ලා පෙන්නන කොට එක බාප්පෙක් අධිරාජ්‍යවාදී කුමණ්ත්‍රන බිල්ලෙක් පෙන්වති .මේ බාප්පා නින්දෙන් ගොරවන්නෙත් ග් රෑම් බටහිර... ග් රෑම් බටහිර කියමින්ය. ඒ බාප්පා බටහිර බිල්ලා පෙන්වන කොට තවත් බාප්පෙක් මුස්ලිම් බිල්ලෙක් පෙන්වති . ඒ බාප්පාටද එහෙමය ආශ්වාස ප්‍රාශ්වාස කරන්නෙත් මුස්ලිම් , මුස්ලිම් කියමිනි.
වැඩේ තියෙන්නේ එක එක බාප්පලාගේ බිල්ලෝ එක එක විදියේය.ඒ ඒ බාප්පාට පැවරී ඇති වැඩේට අනුව බිල්ලාද වෙනස් වන්නේය. ඒ වගේම බාප්පලාගේ පැවැත්ම තියෙන දේශපාලන ගුන්ඩුවට අනුවද බිල්ලා වෙනස් වෙති .දැන් ලංකාවේ ළදරු ජනයා ඉන්නේද පිස්සු හැදිලාය. ඒ තරමට මේ අය බිල්ලෝ පෙන්නති.
මේ වෙනකොට බාප්පලා ටික ආඩම්බරකාර තාත්තත් එක්ක තවත් බිල්ලෝ නාට්‍යක් පෙන් වන්නට ලෑස්ති වෙමින් සිටිති . සිද්ද වෙන හැම හොද දේකම තනි උරුමක් කරු තමන් වන්නාසේම මේ නාට්‍යයේ කතාව ,පිටපත් රචනය ,දෙබස්, අධ්‍යක්ෂණය එකී මෙකී නොකී සියල්ල ආඩම්බරකාර තාත්තාගෙනි. මේ අළුත්ම තාලේ නාට්‍යයේ නම තර්ටීන් ප්ලස්ය(13+).
අවශ්ය නලු නිලියන් හැඩ ගන්වා ලයිට් ඔන්කර ස්ටෑන්ඩ් බ්යි , කැමරා රෙඩි , ඇක්ෂන් කියාගෙන ලයිට්ද පෙරලා ගෙන ආඩම්බර කාර තාත්තා කැමරාව ඉස්සරහට දුවගෙන ඇවිත් 13 + කියන කොටම මල්ලිලා ''බෙදුම්වාදී බිල්ලා'' කියා බිම පෙරලි පෙරලී හොටු පෙර පෙර කෑ ගසන්නේය , විලාප තබන්නේය, එතකොටම ජනතාවද ''බුදු අම්මෝ එපෝයි'' කියමින් මරහඩ තබ්න්නේය මේ වෙනකොට ආඩම්බරකාර තාත්තා කැමරාව පිටිපස්සට ගිහින් තමන් 13+ කියද්දී තිබුණ ලග රූපය මල්ලිලා කෑගහදී මධ්‍යෂ්ථ රූපයක් කොට ජනතාව කෑගසන එක දුර රූපයක් කරන්නේය.
ඒ උනාට කවදාවත් මේ තාත්තවත්, බාප්පලාවත් බිල්ලාගේ ඇත්ත කතාව ජනතාවට කියන්නේ නැත. කතාවට අනුව මුලින්ම අය්යාට මල්ලිලා විරුද්ධ වන්නේය. ඊට පසු මේ මල්ලිලා ජනතාවත් එක්ක මහපාරට බැස ලොකු අය්යාගේ 13+ බිල්ලාට විරුද්ධ වන්නේය. ආඩම්බරකාර තාත්තාටද බනින්නේය. ජනතාවටද මරුය. විරුද්ධවාදීන් එක එක කථා කීවාට ආණ්ඩුව ප්‍රජාතන්ත්‍රවාදීය , විරුද්ධමත දැරීමටද පුළුවන්ය.අයිතීන් ඉල්ලා සටන් කරන්නටද , පාරට බසින්නටද පුළුවන. දැන් ජනතාව 13+ බිල්ලා එපා කියමින් බාප්පලාද පෙරටු කොට ගෙන සිව් මහා නදී ගලා බසිනා ආකාරයට සිව් දිශාවන් ගෙන් කොළඹට එන්නේය.
ඒකට අවශ්ය පහසුකම් මේ ආඩ්ම්බර තාත්තාම දෙන්නේය. ලංගම බස් ටික එක බාප්පෙක් දෙන්නේය. ආරක්ෂාවත් තාත්තාගෙනි කෑමද බීමද කුඩු මුදලාලිලාගෙනි .ජන්තාවට තියෙන්නේ කන්ඩ දෙනවානම් බොන්ඩ දෙනවානම් ,එන්ඩ බස් දෙනවානම් ,බිල්ලා එපා කියමින් ටික දුරක් බාප්පලා එක්ක ඇවිදීමටය. ඒක ඉතිං බාප්පලාට නම් ව්‍යායාමෙටත් එක්ක මරුය. ඔන්න දැන් ආපහු ආඩම්බරකාර තාත්තා හෙමින් හෙමින් කැමරාව ඉදිරියට එන්නේය .දැන් කැමරාවෙන් පටිගත වෙන්නේ ලග රූපයන්ය මුහුන විශාල වීය .දැන් මේ තාත්තාගේ මුහුණ විඩාබර ගතියක් දිස්වන්නේය . හරියට දහයට අරන් සීයට දීලා වගේය. දැන් මේ දුෂ්ඨ තාත්තා බයවී ඇත්තේය.ඔහුට ජනතා ළමයින්ගේ කීම නොසලකා හැරීමටද බැරිය මොකද ඔහු ජනතා ළමයින්ගේ ආඩම්බරකාර තාත්තාය, ජනතාවාදී නායකයාය.
ඉතා දුක් මුසු මුහුණින් ආඩම්බර කාර තාත්තා කතා කරන්නේය. තාවකාලිකව 13+ බිල්ලා අකුලා ගන්නා බව කියන්නේය. ඒ වෙනුවට සර්ව පාක්ෂික සමුලුවක් කැදවන බව කියන්නේය. ඒ කමිටුවට අනුව සර්ව සාධාරණ සැමට එකග විය හැකි විසදුමක් දෙන බව කියන්නේය . ඒ උනාට මීට ඉස්සර සමහර දේවල් අකුලා ගන්නා විට කියනවා වගේ නැවත් ඉදිරිපත් කරන දිනයක් නම් කියන්නේ නැත. බාප්පලා කෑ මොර තබන්නේය. ජනතාවද බිල්ලා නැති නිසා පස්වනක් ප්‍රීති ප්‍රමෝදයෙන් ජය ඝෝෂා නගන්නේය. දැන් බාප්පලා ජනතාවට කියන්නේ අපේ ආඩම්බරකාර තාත්තා හරිම හොද බවය. අපි මේ වගේ තාත්තා කෙනෙක් ලබන්න පූරුවේ පිං කරලා තියෙන්න ඕනි කියලාය. ඉතිං අර බිල්ලාට බය වෙච්ච ජනතා ළමයිද බිල්ලා නැති කරපු එකට ආඩම්බර කාර තාත්තාට ලව් කරන්නේය . අනේ අපි මොනතරම් වාසනාවන්තයෝද කියාගන්නේය .
දැන් තාත්තා ජනතා ළමයි දෙසට හැරී මෙසේ කියන්නේය , '' මම ජනතාවාදී නායකයෙකි ජනතාව යමක් එපා කියූ විට එය කරන්නට මට බැරිය, ජනතාව යමක් කොරන්නය කියූ විට නොකර සිටීමටද බැරිය , මෙතෙක් කලක් මම කොරල තියෙන්නේ ජනතාව කොරන්න කියපුවාය , මෙතෙක් කලක් මම නොකොර තියෙන්නේ ජනතාව නොකරනැයි කියපුවාය. දැන් ඉතිං ආඩම්බර කාර තාත්තාටත් චූන්ය ජනතා ළමයිටත් ගොඩක් චූන්ය.දැන් මේ තාත්තා උතුරට හැරී මෙසේ කියන්නේය. අපි මේ ප්‍රශ්නය විසදන්නට එකතු විය යුතුයි .මේක ඔබගෙත් මගෙත් ප්‍රශ්නයක්ය . අපේ අනාගත පරපුරේ ප්‍රස්නයක්ය. මමම මේක විසදන්නට ගොඩක් උත්සාහ කරනව . ඔය ගොල්ලොත් අපිට එකතු වෙන්න දැන් බලන්න කරුනා ඇමති තුම , දේවානන්ද ඇමතිතුමා අපි ඔක්කොම සහෝදරයො වගෙ ඉන්නේ මට ඌනි කොහොම හරි මේ රට ගොඩනගන්ඩ ඔයාලත් අපිත් එක්ක එකතු උනොත් ගොඩම තමා. ඔය පහුගිය කාලේ සිද්දි අමතක කොරල දාන්ඩ, විශේෂයෙන් ඔය චැනල් ෆෝ එකෙ කට්ටිය අපෙ ආමි එකෙන් අපරාද කොරනව වගෙ පෙන්නන්න බොරු වීඩියෝ එකක් හදලලු ඔයාල ඒ බොරු වලට අහු වෙන්න එපා.යුද්ධෙ කොරන කොට ඔය සුළු සුළු සිද්ධි ඇති වෙන්ඩ ඇති මම නැතෙයි කියන්නේ නෑ. එව්ව හොයල බලල තමයි ඒ කාලේ යුද්ධෙ මෙහෙයවපු කෙනාට මම දඩුවම් දුන්නේ . බොරුනම් බලන්ඩ එයා තවමත් හිරේ .
ඊට පස්සෙ තාත්තා ඔලුව කසමින් හැරෙන්නේ ඉන්දියාව දිහාටයි .මම සර්වපාර්ෂික සමුළුවක් කැදවලා ඒකෙ ප්‍රගතිය කියන්නම් කියා හෙමින් හෙමින් කැමරාවෙන් ඉවත් වෙනවාත් සමගම ප්‍රශස්ථි ගී ගැයීමට පොරකන ජනතාවාදී කලා කරුවෝ තරගයට ගී ගයමින් ඉදිරියට පැමිණේ.
ආඩම්බර කාර තාත්තගේ , බාප්පලාගෙයි ඔන්න බබෝ බිල්ලා නාට්‍යය එසේය.මේ කතාවේ අඩු පාඩු හදන්න කාටවත්ම බැරිය. විවේචන කාරයොත් ආඩම්බරකාර තාත්තගේ සාක්කුවේය බාප්පලා ගැන කියලා වැඩක් නැත . ඔක්කොමලා ඉන්නේ තාත්තාගේ සාටකේ නූල් පොටවල් වල යන්තමින් එල්ලී ගෙනය එක බාප්පෙක්වත් හුම් කියන්නේත්.ප්‍රශ්න කරන්නේත් නැත. අනේ අපේ අමාත්‍ය මණ්ඩලේ වැඩිම කොටසක් පාලනය කරන්නේ ආඩම්බර කාරයාගේ පවුල් සමාගමෙන් නොවේ දැයි ප්‍රශ්න කරන්නේද නැත.ඉතිං අපිට බලය නොදෙන මේ ආඩම්බර කාරයා කවදාවත් දෙමළෙකුට බලයක් දෙයිද කියා මේ බාප්පලා සිතන්නේද නැත.බැරි වෙලාවත් එහෙම ඇහුවත් මේ සුවච කීකරු මල්ලිලාට දෙන්න උත්තරයක්ද ආඩම්බරකාරයා ලග ඇත.ඈ බොලව් ගොන් හරකුනේ මම උන්ට බලය දෙනවද බොලාටවත් බලයක් නොදෙනකොට.ඇඹිලිපිටියේ උන්නාන්සේටම මම ප්‍රාදේශීය සභාවේ සභාපති බලය දුන්නෙම නොදී බැරිම තැනනේ . මොකෝ උන්නාන්සේ සිංහල නෙමෙයිද? මොකෝ උන්නාන්සෙ බෞද්ධ නෙමේද? ඉතින් එහෙම එකේ මම මේ දෙමළුන්ට බලය දෙයිද?මෙව්වා ඉතිං තේරුම් ගන්ට කූඹියෙකුගෙ තරම්වත් මොලයක් තිබිලා එපායැ. කියා කියන ගමන් මුංට එහෙම මොලයක් නැති එකම මටත් හොදායැයි සිතන්නේය.
ජනතා ළමයිද මේ ගැන ප්‍රශ්න කරන්නේ නැත. දෙනදේ කාලා , බීලා නිකම්ම බස් එකේ කොළඹත් ගිහිල්ලා එන්නේමැයි සිතන්නේය.ජනතා ළමයි එසේ ආඩම්බර කාර තාත්තාගෙන් ප්‍රශ්න අහන්නට සිතන්නේද නැත.ගමේ සමූපකාර ජන්දෙ දී වත් අනිත් පක්ෂයේ එකාට බලය දෙන්නේ නැතිව , ඌව මරලා හරි තමන්ගේ පක්ෂයේ එකාට බලය දෙන්නේය . එහෙව් එකේ මේ උතුරේ ඉන්න දෙමළුන්ට කොහෙත්ම ඕක ලියා නොදෙන බවද දන්නේය. මේ බඩු ගනන් දවස්වල වේල් දෙක තුනක් කාලා නොමිලේම කොළඹ යන්න තියෙන එක නැති කරගන්නේ මොකට දැයි කියා සිතන්නේය.
ඉතිං ආඩම්බරකාර තාත්තා අමාත්‍ය මණ්ඩලේ ඇන්දුවාය කියා සිතන්නේය .අමාත්‍ය මණ්ඩලේ අය පාක්ෂිකයින් අන්දලා ලොක්කට තමන්ගෙ බලය පෙන්නුවාය කියා සිතන්නේය .ජනතා ළමයින් වේල් දෙක තුනක් ෂේප් වෙලා නොමිලේම කොළඹත් ගිහින් ආවා යැයි සිතන්නේය.
Subscribe to:
Posts (Atom)