........රට හදන කොමියුනිස්ට් සමාජවාදි ව්‍යාපාරයක් ගොඩනගමු.........
ලක්දිව තුළ පීඩිතයන් වෙනුවෙන් නැගී සිටින මීළඟ දේශපාලන ව්‍යාපාරය, හෝ ඒ වෙනුවෙන් "වෙනස් වෙන්නට කැමති" පවතින දේශපාලන ව්‍යාපාරයක් හෝ පවතින රජය හෝ පීඩිතයන් අතුරින් එක්තරා වාස්තවික කොටසක් හෝ කල්පිත කොටසක් පමණක් අවස්ථාවාදීව හුවා නොදැක්විය යුතුය...පීඩිතයන් යනු මාක්ස් මාමාගේ ප්‍රවාද වල එන, ලාංකීය පොළවේ පන්ති විඤාණයකින් සංවිධානය වීමක් කවදාවත් සිදුකොට නැති ඊනියා කම්කරු පන්තිය නොවේ...යුක්තිය, සාධාරණය සහ නීතිය යන නිර්ණායකයන් ප්‍රමිතිකරණය නොවූ, ඒවා කෙරෙහි , ඒවා සියළු සමාජ කොටස් කෙරෙහි සංගත නොවූ රටවල ඕනෑම කෙනෙකු ඕනෑම මොහොතක "පීඩකයෙකු" වන්නටත්, "පීඩිතයෙකු"වන්නටත් පිළිවන...උදාහරණ ලෙස ගතහොත්, උපන්දා සිට කුමරි සම්පත් මැද දිවි ගෙවූ කොළඹ හිරුණිකා ප්‍රේමචන්ද්‍ර සහ නැතිවූ 14 හැවිරිදි නැගණිය සොය, සොයා යන දුප්පත් තරුණියක වන දෙහිඕවිට නිරෝෂා මධුමාලි යන දෙදෙනාම මේ මොහොත වන විට "පීඩිතයන්"ව සිටිති...මේ යුවතියන් දෙදෙනාගෙන් එක් අයෙකුට විදෙස් අධ්‍යාපනය සහ මිළ මුදල් යහමින් ඇතත්, බස් රියෙන් කොළඹ එන අනෙක් යුවතිය තරමටම අසාධාරණයේ විදාරණය වන පරාමිතීන් හමුවේ එක හා සමානව අසරණ වන්නට, පිහිට ඉල්ලා නොයෙක් අත දුවන්නට ඔවුන් දෙදෙනාටම සිදුව ඇත...ප්‍රමිතියකින් තොරවූ නීතියේ "ආධිපත්‍යය", සහ සංස්ථායී නොවන ලෙස ලැබෙන යුක්තිය සහ සාධාරණය හමුවේ, එවැනි ගර්හිත ක්‍රමවේදයන් තුළ ඉන්නා එක්, එක් කොටස් වියුක්තීන් ලෙස හුවා දැක්විය නොහැක...ඒ නිසා යුක්තිය, නීතිය සහ සාධාරණය උදෙසා පෙනී සිටින කෙනෙකුට, " සුමනසිරිගේ අයිතීන්, නඩරාජාගේ අයිතීන්, අක්බාර්ගේ අයිතීන්, ඇන්තනීගේ අයිතීන්, ලෙව්කේ බණ්ඩාරගේ අයිතීන්, පීරිස්ගේ යුක්තිය ලෙස" සෙසු මහ ජනයාගෙන් වියුක්ත කරන ලද "අයීතින්" ඛණ්ඩයන් හුවා දැක්විය නොහැකි අතර, එසේ ඛණ්ඩනය කොට පෙනී සිටින්නෝ දැන හෝ නොදැන ජාති, වර්ග, කුළ, ගෝත්‍ර, ආගම් වාදයන් ප්‍රරෝහණය කරති....ඊනියා පන්ති අරගලයන්ද එසේමය...එවැනි මුග්ධ ප්‍රයාමයන්ගේ අවසන් ඵලය වන්නේ ඛණ්ඩන රේඛාවන් ඔස්සේ සමාජය බෙදී ඉරිතලා, බෙදුම්වාදී හෝ කල්ලි වාදී අරගල ඇතිවීම පමණි....ශ්‍රී ලංකාවේ අද මොහොතේ අවශ්‍යතාවය වන්නේ පොළව මත පය ගසා සිටින සියළු ප්‍රාණීන්ට යුක්තිය, නීතිය සහ සාධාරණය සංස්ථායීව ලැබෙන ලෙසත්, ඒවා එසේ ලබා ගන්නට සහ අනෙකාට ලබා දෙන්නට ජන විඥාණයේ දියුණුව සකසන අධ්‍යාපනය යාවත් කාළීන වන ලෙසත් රට හදන බලවේගයන්ය...
රට හදන නව විප්ලවවාදි බලවේගයක අවශ්‍යතාවය දෑන් ජනතාව හදුනාගනිමින්....තිබේ.............
ස්තුතිය අපට මෙ ලිපි ලබාදුන් දමිත් කේතක සොයුරාට....
No comments:
Post a Comment